ФК Эвертан

Эвертан
	Эвертан
Поўная назва	; Everton Football Club
Мянушкі	; Ірыскі;
Заснаваны	; 1878;
Горад	; Ліверпул, Англія;
Стадыён	; Гудысан Парк; Умяшчальнасць: 40 157;
Уладальнік	; Фарад Машыры[d];
Прэзідэнт	; Біл Кенрайт;
Галоўны трэнер	; Марку Сілва;
Чэмпіянат	; Прэм’ер-ліга;
2018/19	; 8 месца
Сайт	; evertonfc.com(англ.) ;
	;
; ; ; ; ; ; ; ; ; ; ; ; ; Асноўная; форма;	; ; ; ; ; ; ; ; ; ; ; ; ; Гасцявая; форма;

«Эвертан» (англ.: Everton Football Club) — англійскі футбольны клуб з горада Ліверпул. Клуб выступае ў англійскай Прэм’ер-лізе. У вышэйшай лізе краіны правёў найбольшую колькасць сезонаў. 9-разовы чэмпіён Англіі. Эвертан гуляе ў вышэйшым дывізіёне з 1954 года і з’яўляецца адным з заснавальнікам Прэм’ер-лігі ў 1992 годзе. Клуб быў створаны ў 1878 годзе, стаўшы членам-заснавальнікам Футбольнай лігі па футболе ў 1888 годзе. Сваёй першай перамоі клуб дасягнуў праз два сезоны. Пасля чатырох чэмпіёнскіх тытулаў і двух перамогаў у розыгрышу Кубка Англіі, «Эвертан» выпрабаваў некаторае зацішша ў гады пасля Другой сусветнай вайны, зведваючы два перыяды адраджэння ў 1960-х гадах, калі клуб дамогся дву перамогаў у чэмпіянаце і адной у кубку. У сярэдзіне 1980-х клуб спадкаў апошні перыяд поспеху, гэта значыць «Эвертан» двойчы перамог у чэмпіянаце, стаў уладальнікам Кубка Англіі і ўладальнікам у 1985 свайго першага кантынентальнага трафея — Кубка ўладальнікаў Кубкаў. Апошнім пераможаным трафеем клуба застаецца перамогу ў Кубку Англіі 1995 года.

Прыхільнікаў клуба называюць «эвертаніянамі» (англ.: Evertonians). «Эвертан» мае вялікую колькасць заўзятараў, рэгулярна прыцягваючы на стадыён у сярэднім па 36 тысяч чалавек за гульню, што складае 95% ад агульнай ёмістасці стадыёна^[1]. «Эвертан» мае прыкметнае суперніцтва з суседзямі «Ліверпулам», матчы паміж абудзвюма клубамі называюць Мерсісайдскім дэрбі. «Ліверпул» быў сфарміраваны ў 1892 годзе адрынутай групай, якая складалася з экс-прэзідэнта «Эвертана» і некалькіх ігракоў. Канфлікт паміж бакамі прывёў да сыходу «Эвертана» з «Энфілда», цяперашняга стадыёна «Ліверпула», які на той час з’яўляўся хатняй арэнай «Эвертана».

Змест

1 Гісторыя
- 1.1 Заснаванне
- 1.2 Футбольная ліга

2 Стадыён

3 Дасягненні

4 Склад

5 Вядомыя ігракі

6 Рэкардсмены

7 Зноскі

8 Спасылкі

Гісторыя |

Заснаванне |

«Эвертан» быў заснаваны ў 1878 годзе пры англіканскай царкве Святога Дамінга ў раёне Ліверпула Эвертан^[2]. Пачынаючы з 1876 года, прыхаджане царквы летам гулялі ў крыкет, але ў яго было немагчыма гуляць зімой, таму яны звярнулі свой погляд на футбол. Першапачаткова клуб атрымаў назву «Сент-Дамінга» (англ.: St. Domingo’s Football Club), але неўзабаве стаў прыцягваць цікавасць людзей якія жывуць не толькі каля царквы, з-за чаго ў лістападзе 1879 года на сходзе ў гатэлі «Queen’s Head» было прынята рашэнне аб перайменаванні клуба ў «Эвертан».

Свае першыя матчы «Эвертан» гуляў на полі Стэнлі Парку, але калі колькасць гледачоў, якія хадзілі на матчы клуба, стала імкліва расці, клуб быў вымушаны пераехаць на новы стадыён, і ў 1882 годзе ім стаў «Праеры Роўд». Аднак праз нейкі час уладальнік поля, якому не падабалася, што ў дні матчаў заўзятары занадта шумяць, папрасіў каманду пакінуць яго, і прэзідэнт клуба Джон Хоўлдынг за невялікую суму арандаваў вучастак зямлі на «Энфілд Роўд» у свайго член Джона Орэла. Першы свой матч на «Энфілдзе» клуб правёў 28 верасня 1884 года супраць клуба «Эрлзтаўн» і атрымаў перамогу з лікам 5:0.

Футбольная ліга |

«Эвертан» у 1891 годзе

У 1888 годзе «Эвертан» увайшоў у лік заснавальнікаў Футбольнай лігі. Першы сезон склаўся для каманды не вельмі ўдала і «Эвертан» заняў толькі восьмае месца, але ўжо ў наступным годзе «Эвертан» стаў другім, а яшчэ праз год, клуб упершыню ў сваёй гісторыі стаў чэмпіёнам Англіі.

Тым часам, Хоўлдынг, які да таго часу быў ужо ўладальнікам стадыёна, стаў спрабаваць усё больш і больш нажывацца на «Эвертане», падвысіўшы кошт арэнды клубам стадыёна^[3]. У выніку аднаго з сходаў футбольнага клуба было вырашана, што Хоўлдынг будзе звольнены, а «Эвертан» пакіне «Энфілд» і перабярэцца на «Гудысан Парк». Хоўлдынг і Орэл жа, застаўшыся са стадыёнам, але бяз клуба, вырашылі стварыць новы клуб — «Ліверпул». Апошні свой матч на «Энфілдзе» «Эвертан» згуляў 18 красавіка 1892 года супраць «Болтана».

Пасля пераезду на «Гудысан Парк» «Эвертану» чатыры разы ўдалося дасягнуць фіналу Кубка Англіі да Першай сусветнай вайны — у 1893, 1897, 1906 і 1907 гадах. Але скарыўся «Эвертану» трафей толькі аднойчы. 21 красавіка 1906 года «Эвертан» здолеў перамагчы «Ньюкасл Юнайтэд» з лікам 1:0. Астатнія тры фіналы былі прайграны «Вулверхэмптану», «Астан Віле» і «Шэфілд Уэнсдэй» адпаведна.

Другі тытул чэмпіёна краіны «Эвертану» атрымалася перамагчы ў сезоне 1914/15, які стаў апошнім перад Першай сусветнай вайной.

Стадыён |

Гудысан Парк

Першапачаткова «Эвертан» гуляў на полі Стэнлі Парку. Паступова колькасць гледачоў, якія прыходзілі на матчы клуба, расло. Да 1882 года іх лік перавышаў 2 тысяч чалавек, у выніку чаго «Эвертан» пераехаў на «Праеры Роўд», аднак ужо праз год новым стадыёнам клуба стаў «Энфілд». На «Энфілдзе» «Эвертан» гуляў да 1892 года, пакуль прэзідэнт клуба і ўладальнік стадыёна Джон Хоўлдынг ва ўласных інтарэсах не вырашыў павысіць арэндавы кошт поля. Неўзабаве пасля гэтага «Эвертан» пераехаў на новы стадыён «Міер Грын», які потым быў перайменаваны ў «Гудысан Парк». Джон Хоўлдынг жа стаў ініцыятарам узнікнення новага клуба — «Ліверпул».

«Гудысан Парк» стаў першым стадыёнам у Англіі, прызначаным толькі для футбола^[4]. У 1966 годзе стадыён прыняў пяць матчаў чэмпіянату свету. Ні адзін іншы стадыён, за выключэннем «Уэмблі», не прымаў гэтак шмат гульняў чэмпіянату. Умяшчальнасць «Гудысан Парку» складае 40 157 чалавек, а памеры поля — 112×78 метраў.

Дасягненні |

Чэмпіён Англіі: 9
- 1891, 1915, 1928, 1932, 1939, 1963, 1970, 1985, 1987

Уладальнік Кубка Англіі: 5
- 1906, 1933, 1966, 1984, 1995

Суперкубак Англіі па футболе: 9
- 1928, 1932, 1963, 1970, 1984, 1985, 1986 (разам з «Ліверпулам»), 1987, 1995

Уладальнік Кубка ўладальнікаў Кубкаў: 1
- 1985

Першы дывізіён: 1
- 1931

Малочны Кубак: 2
- 1995, 2002

Склад |

Станам на жнівень 2019 года.

№	Пазіцыя	Імя	Год нараджэння
1	Бр	Джордан Пікфард	1994
2	Аб	Мейсан Холгейт	1996
3	Аб	Лейтан Бейнс	1984
4	Аб	Майкл Кін	1993
7	Нап	Рышарлісан	1997
8	ПА	Фабіян Дэлф	1989
9	Нап	Дамінік Кэлверт-Льюін	1997
10	ПА	Гільфі Сігурдсан	1989
11	Нап	Тэа Уолкат	1989
12	Аб	Люка Дзінь	1993
13	Аб	Еры Міна	1994
14	Нап	Джэнк Тасун	1991
17	Нап	Алекс Івобі	1996
18	ПА	Марган Шнедэрлен	1989
19	Аб	Джыбрыль Сідзібэ	1992

№	Пазіцыя	Імя	Год нараджэння
20	Нап	Бернард	1992
21	ПА	Андрэ Гоміш	1993
22	Бр	Мартэн Стэкеленбург	1982
23	Аб	Шэймус Коўлман	1988
25	ПА	Жан-Філіп Гбамен	1995
26	ПА	Том Дэвіс	1998
27	Нап	Мойзэ Кін	2000
28	Нап	Кевін Міральяс	1987
29	Нап	Умар Ньяс	1990
30	Аб	Кука Марціна	1989
31	ПА	Янік Баласі	1989
34	ПА	Бені Банінгімэ	1998
39	Аб	Мэцью Фоўлдс	1998
49	Бр	Ёнас Лёсль	1989
	ПА	Калум Коналі	1997